🔮 Dr. Miracle's Hot Gro Hair and Scalp Treatment 113g 🔮 كريم دكتور ميركل للشعر وفروة الرأس هوت جرو، 113جم

كريم دكتور ميركل للشعر الأمريكي الأصلي، الكريم ده من أجمل منتجات علاج الشعر وفروة الرأس ، مصنوع بمكونات غنية وتركيبه مميزة جداً اشتهرت بيها براند Dr. Miracle’s الأمريكية، منتج فعال وممتاز من أوائل المنتجات اللي وفرتها حلزونة في الستور. المنتج ده ليه تجربه شخصية معايا وبرشحه دايماً للبنوتات والشباب اللي شعرهم مجهد جداً ومحتاج تغذية وعلاج في نفس الوقت.

دكتور ميركل براند أمريكي مختص بمنتجات العناية بالشعر خصوصاً من ناحية التقوية والإصلاح والترطيب، بتقدم منتجاتها بتركيبة Feel It Formula اللي مشهورين بيها جداً.

طريقة استخدام كريم دكتور ميركل للشعر

افردي كمية مناسبة من المنتج على ايديكِ وحطيها مباشرة على الشعر وفروة الرأس
اعملي مساج لطيف للشعر والفروة
سيبي المنتج على شعرك بدون غسل لأقصى استفادة ممكنة
سرحي شعرك زي مانتي متعودة
لأفضل النتائج استخدميه مرتين يومياً

قوام الكريم

قوام كريم دكتور ميركل دهان | Pomade وده معناه تثبيت متوسط ولمعة عالية لأن مكوناته الأساسية زيوت معدنة بترطب الشعر جداً ومبتجففوش زي الجل وده اللي بيخليه ممتاز في التسريح اليومي، ده غير فوايده الهايلة.

مميزات كريم دكتور ميركل

☔️ تسهيل تسريح و فك تشابك الشعر المجعد و بيحسن مظهر الشعر الهايش

☔️ تغذية الشعر بعمق و ترطيب فروة الرأس الجافة

☔️ حماية الشعر و فروة الرأس من الأضرار البيئية والملوثات والتلف الناتج عن تصفيف وشد الشعر

☔️ يعيد لمعان الشعر وحيويته

☔️ ينشط الدورة الدموية في فروة الرأس مما يقوي جذور الشعر ويعيد حيوية بصيلات الشعر الخاملة

☔️ بيحارب تجاعيد الشعر ويزيد نعومته وده لأنه بيفرد كسرات الشعر بشكل طبيعي

تجربتي مع كريم دكتور ميركل

الكريم التحفة ده كان ليا تجربة معاه أذهلتني شخصياً، وهيا ان جوزي كان شعره بيتساقط بشكل رهيب، وبيكون موجود فكل حته، على وش المخدة، وعلى هدومه، وفي الفوطة بتاعته وكنت دايماً بنصحه يغير روتين العناية بشعره وبديله نصايح كتير وللأسف كان حتى بيكسل يسمعها لحد ماطلب مني كريم للتسريح وقوامه يكون “Pomade” دهان أكتر شبه الفازلين كده، وطبعاً اقترحت عليه كريم دكتور ميركل ومكنتش متوقعة أبداً ان التساقط هيختفي كده وبالسرعة دي. ده غير انه بيثبت شعره كويس جداً وبيسرحه بالطريقة اللي هوا حاببها، الجميل انه مبقاش بيستغنى عنه وبيخلص لحلزونة المخزون أول بأول.

الفرق بين كريم دكتور ميركل الاصلي والتقليد

بالنسبة لمشكلة المنتجات المقلدة فدي بقت حالياً مشكلة كبيرة جداً.

لأن التقليد مبقاش مقتصر على تغيير شكل العبوة، للأسف عبوة كريم دكتور ميركل معداش عليا ليها تقليد، ولكن فيه تجار عديمة الضمير بتلم العلب وتعبيها بأي منتج رخيص، وبيبيعوها منتهية الصلاحية ومغشوشة بطرق كتير غير تغيير شكل العبوة، المهم إنك تثقي في المتجر أو السيلر اللي بتجيبي منها ومجرباها كذا مرة، ويكون ليهم موقع أو محل ترجعيله لو المنتج فيه مشكلة.

أو ريحي بالك واطلبي من حلزونة بورسعيد🐌🎀💓

وبنضمنلك ان المنتج لو فيه اي مشكلة أو عكس المعروض تقدري ترجعيه عادي جداً، ورسوم الإرجاع علينا كمان 💃

مكونات كريم دكتور ميركل لإنبات الشعر:

جل الصبار

اللي بيقوي بصيلات الشعر ويرجعله اللمعان الطبيعي

زبدة الشيا

بتساعد الشعر على النمو بشكل صحي وبتلطف فروة الراس

زيت الجوجوبا

اللي بيرطب بعمق وبيحمي الشعر من الجفاف والتكسر وتقصف الأطراف

المنتج بيدخل في تركيبه كمان السالسليك اسيد وعدد كبير من الزيوت والفيتامينات الغنية جداً وهي:

Petroleum, Butyrospermum Parkii (Shea Butter), Mineral Oil, Salicylic Acid, Isopropyl Myrisate, Carthamus Tinctonrius (Safflower) Seed Oil, Cocos Nucifera (Coconut) Oil, Ricinus Communis (Castor) Seed Oil, Eugenia Caryophyllus (Clove) Leaf Oil, Menthol, Menthone Glycerin Acetal, D&C Yellow #11, D&C Green #6, D&C Red #17, Propylparaben.